كانيولوني بالجبنة والفلفل خطوة بخطوة

**سهير احمد** الخميس ديسمبر 06, 2012 8:31 pm

النهاردة يا اخواتي معايا كانيولوني بالفلفل الرومي والجبنة

اول حاجة هنعمل بشاميل خفيف

2 معلقة دقيق كبيرة +2 معلقة سمن +2ونصف كوب لبن +ملح وفلفل

نحمر الدقيق في السمن حتي ياخذ لون بيج ثم نضيف اللبن ونخفق بمضرب بعيد عن النار

ثم نضع التوابل ونضعه ياخد غلوة علي النار

ملحوظةةةةةةةةة في حالة وجود كتل نضربه في الخلاط وده شكله

وتاني حاجة العصاج

لحم مفروم +بصلة +ملح وفلفل +ربع معلقة قرفة +قطع فلفل رومي والوان

نشوح البصلة جيدا ثم نضيف اللحم والتوابل علي نار عالية حتي تنضج ثم نضيف قطع الفلفل الرومي

خليط الكانيولوني

2 بيضة +نصف معلقة صغيرة ملح +ربع معلقة صغيرة فلفل +1 كوب دقيق +1 كوب لبن

تخلط المكونات في الخلاط وده شكلها

خطوات صنع الكانيولوني

نسخن قلايية متوسطة ونضع فيها رشة زيت وناخذ مغرفة كبيرة ونملاها عجين

ونضعها في القلاية او الطاسة زي كده

وناخذ الطاسة ونميلها عشان العجينة تملاها زي كده

ونضعها علي النار وبعد ما تستوي من تحت نقلبها كده

ونتركها تستوي علي الوجه التاني كده

وكده استوت ونكمل كل الكمية حوالي 8 متوسطين

وديه كل الكمية نتركها تبرد زي كده

ونبداْالحشو بجزء من العصاج لحم ورشة بشاميل خفيفة وجبنة كده

ونطويها زي ورق العنب من الجوانب كده

ونضع كل الكمية في صينية مدهونة بشاميل زي كده

ثم نغطي الوجه ببشاميل خفيف بلاش نكتر
بصوا كده

ونسخن الفرن قبلها ونضعها علي نار عالية

وبعد ما تتماسك نخرجها ونرش جبنة علي وشها

وندخلها تتحمر زي كده

ونتركها تبرد 10 دقايق وتقطع زي كده او حسب الرغبة

اتمني اكون شرحته بوضوح

ويكون عجبكم وتجربوه

من[size=25]قوووووووووووووووووووووووووووووول
[/size]

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30