مكعبات الفراخ بالخلطة الإيطالية

مكعبات الفراخ بالخلطة الإيطالية
المقادير:
½ كيلو فراخ بانيه مقطّعة مكعبات
2 ثمرة فلفل حار مقطّع شرائح طويلة
½ ملعقة صغيرة زعتر مطحون
ملعقة كبيرة صلصة طماطم
كوب مشروم مقطع شرائح
2 ثمرة طماطم كبيرة مفرومة
½ ملعقة صغيرة فلفل أحمر
كوب مية أو شوربة فراخ
¼ كوب عصير ليمون
بصلة متوسطة مفرومة
ثمرة فلفل أخضر رومي
2 ملعقة كبيرة دقيق
¼ كوب زيت
ملح وفلفل

الطريقة:
1-
اغسلي الفراخ وتبّليها بالملح والفلفل، وبعدين شوّحيها في الزيت لغاية ما
تتحمّر وبعدين ارفعيها من على النار وصفّيها من الزيت وسيبيها على جنب.

2-
حمّري البصل والمشروم والثوم في نفس الزيت لحد ما لون البصل يصفرّ، وبعد
كده ضيفي عليهم الفلفل الحار والفلفل الرومي والطماطم والبابريكا والزعتر
والصلصة والدقيق، وضيفي الشوربة أو المية، وسيبيهم شوية على النار لغاية ما
الخليط يتقل معاكي، وبعد كده تبّلي الخليط ده بالملح والليمون، وضيفي
الفراخ عليهم وقلّبيهم مع بعض على النار لمدة 10 دقائق، وبعد كده قدّمي
الفراخ مع أرز أصفر أو أبيض.. وبالهنا والشفا.