باذنجان محشي باللحمة المفرومة على "سفرة دايمة"

زيّني المحشي بالبقدونس الأخضر


النهارده هنعمل باذنجان محشي باللحمة المفرومة، نتمنّى إنك تجرّبيه وتبعتي تقولي لنا رأيك فيه..

باذنجان محشي باللحمة المفرومة
المقادير:
كيلو باذنجان عروس
½ كيلو لحمة مفرومة
¼ ملعقة صغيرة قرفة
2 ملعقة كبيرة سمنة
½ كوب عصير ليمون
بصلة صغيرة مفرومة
¼ كوب ميه
ملح وفلفل

الطريقة:
1-
اغسلي الباذنجان كويس، وقطّعيه بالطول إلى نصفين من غير ما تشيلي الجزء
الأخضر اللي فوق، وابدئي شيلي جزء من قلب الباذنجان علشان تعملي مكان
للحشو، وبعد كده انقعيه في طبق مليان بالميه والملح لمدة دقائق.

2- اقلي الباذنجان في الزيت، لغاية ما لونه يبقى بني محمرّ.

3-
شوّحي البصل في السمنة على النار، وبعد كده ضيفي عليه اللحمة المفرومة،
وقلّبيهم مع بعض لغاية ما تبدأ تنزّل الميه اللي فيها، وتبّليها بشوية ملح
وفلفل وقرفة، وسيبيها لغاية ما تتعصّج.

4- هاتي الباذنجان المقلي، واحشيه باللحمة المفرومة المعصّجة.

5-
رصّي الباذنجان في صينية، وضيفي عليه عصير الليمون والميه، ودخّليه الفرن
لمدة 10 دقائق، وبعد كده طلّعي الصينية من الفرن ورصّي الباذنجان في طبق
التقديم وزيّنيه بالبقدونس الأخضر.. وبالهنا والشفا.