كبدة إسكندراني على "سفرة دايمة"

قدّمي الكبدة وهي سخنة وزيّنيها بشرائح الطماطم


النهارده هنعمل مع بعض طبق الكبدة الإسكندراني اللذيذ بخطوات بسيطة..

كبدة إسكندراني
المقادير:
½ كيلو كبدة طازجة ومقطّعة شرائح رفيعة
ثمرة طماطم مقطّعة قطعا صغيرة
فلفل أحمر حار (حسب الرغبة)
2 ثمرة فلفل أخضر مقطعة
شطة (حسب الرغبة)
۳ ملعقة كبيرة خل
ملح وفلفل أسود
عصير ليمونة
زيت زيتون
5 فص ثوم

الطريقة:
1- هاتي طبق كبير علشان تتبّلي فيه الكبدة بعصير الليمون والخل والملح والفلفل والشطة.

2- حطي الزيت على النار وشوّحي فيه الثوم قليلا، وبعد ما لونه يبقى ذهبي ضيفي الفلفل الأخضر والفلفل الحار.

3-
وبعد كده ضيفي الكبدة وفي الآخر خالص ضيفي الطماطم المقطّعة، وقلّبيهم على
نار هادية لغاية ما تحسّي إن الكبدة استوت، وبعد كده قدّميها وهي سخنة..
وبالهنا والشفا.